केज शहरात पाण्यासाठी हाहाकार; ‘नगरोत्थान’चा बोजवारा, पाईपलाईन दुरुस्तीचा फार्श! केज​नगरपंचायतीच्या नियोजनाअभावी शहर तीन महिन्यांपासून तहानलेले; टँकर माफियांचे मात्र उखळ पांढरे.

खळबळजनक: केज शहरात पाण्यासाठी हाहाकार; ‘नगरोत्थान’चा बोजवारा, पाईपलाईन दुरुस्तीचा फार्श!

केज​नगरपंचायतीच्या नियोजनाअभावी शहर तीन महिन्यांपासून तहानलेले; टँकर माफियांचे मात्र उखळ पांढरे.

​केज | विशेष प्रतिनिधी: महाराष्ट्र सुवर्ण जयंती नगरोत्थान महाभियानांतर्गत शहराच्या पाणीपुरवठा योजनेसाठी कोट्यवधींचा निधी खर्च केल्याचा दावा केला जात असतानाच, गेल्या तीन महिन्यांपासून केज शहराचा पाणीपुरवठा पूर्णपणे ठप्प झाला आहे. मांजरा धरणात भरपूर पाणीसाठा असताना नादुरुस्त पाईपलाईनमुळे मुख्य जलवाहिनीतून थेंबभरही पाणी येत नसल्याने केजकर पाण्यासाठी अक्षरशः टाहो फोडत आहेत. नगरपंचायतीच्या या ढिम्म कारभारामुळे नागरिकांमध्ये तीव्र संतापाची लाट उसळली आहे. ​योजनेचे ‘तीन तेरा’; कोट्यवधींचा निधी गेला कुठे? ​शहरातील पाणीपुरवठा यंत्रणा सक्षम करण्यासाठी नगरोत्थान योजनेतून मोठी कामे हाती घेण्यात आली होती. मात्र, तांत्रिक नियोजन चुकल्याने की भ्रष्ट कारभारामुळे, आज शहराची पाईपलाईन जागोजागी नादुरुस्त अवस्थेत आहे. तीन महिने उलटूनही ही पाईपलाईन दुरुस्त होत नसल्याने केज शहरात पाण्यासाठी नागरिक भयानक त्रस्त असताना याची दखल नगरपंचायत प्रशासनाने घेतलेली नाही. त्यामुळे नगरुत्थान योजना ही पाणीपुरवठा बाबत नागरिकांच्या सोयीसाठी आहे की केवळ कंत्राटदारांचे खिसे भरण्यासाठी, असा सवाल आता केजच्यानागरिकांकडूनक्ष उपस्थित केला जात आहे. ​ कडक उन्हाळ्याच्या पूर्व संध्येलाच पाणी त्रासाची चाहूल लागण्यापूर्वीच केज शहरात पाण्याचे दुर्भिक्ष्य निर्माण झाले आहे. गृहिणींना पाण्यासाठी वणवण भटकंती करावी लागत आहे. ज्या नगरोत्थान योजनेतून ‘हर घर जल’चे स्वप्न दाखवले गेले, त्याच योजनेच्या नादुरुस्त कामांमुळे आज नळ कोरडे ठाक पडले आहेत. अनेक वस्त्यांमध्ये महिनाभरापासून पाणी पोहोचलेले नाही.​शासकीय पाणीपुरवठा बंद असल्याने शहरात खासगी टँकरचा सुळसुळाट झाला आहे. सर्वसामान्य नागरिकांना पिण्याच्या पाण्यासाठी अव्वाच्या सव्वा पैसे मोजून टँकर विकत घ्यावे लागत आहे. नगरपंचायतीने जाणूनबुजून ही दुरुस्ती रखडवली की काय? असा सवाल नागरिकांना पडला आहे.गृहिणींना पाण्यासाठी वणवण भटकंती करावी लागत आहे. ज्या नगरोत्थान योजनेतून ‘हर घर जल’चे स्वप्न दाखवले गेले, त्याच योजनेच्या नादुरुस्त कामांमुळे आज नळ कोरडे ठाक पडले आहेत. अनेक वस्त्यांमध्ये महिनाभरापासून पाणी पोहोचलेले नाही.​शासकीय पाणीपुरवठा बंद असल्याने शहरात खासगी टँकरचा सुळसुळाट झाला आहे. सर्वसामान्य नागरिकांना पिण्याच्या पाण्यासाठी अव्वाच्या सव्वा पैसे मोजून टँकर विकत घ्यावे लागत आहे. नगरपंचायतीने जाणूनबुजून ही दुरुस्ती रखडवली आहे का? जेणेकरून टँकर माफियांचा व्यवसाय चालावा, अशी शंका आता नागरिक व्यक्त करत आहेत. ​पाईपलाईन तातडीने दुरुस्त करून पाणीपुरवठा सुरळीत न झाल्यास केज नगरपंचायतीने राबवलेल्या नगरोत्थान योजनेबाबतची सखोल चौकशीची मागणी लवकरच केली जाणार असल्याचे तमाम नागरिकांनी दिलेल्या प्रसिद्धी पत्रकातून नमूद करण्यात आले असून, पाण्यासाठी मोठे आंदोलन करण्याचा पवित्रा शहरातील विविध सामाजिक संघटना आणि नागरिकांनी घेतला आहे. ‘नगरोत्थान’च्या नावाखाली झालेल्या कामांची उच्चस्तरीय चौकशी करावी, अशी मागणीही जोर धरत आहे.
​”कोट्यवधी रुपये खर्च करूनही जर शहराला पाणी मिळत नसेल, तर या योजनेचा उपयोग काय? प्रशासनाने तातडीने दखल घेऊन पाईपलाईन दुरुस्त करावी, अन्यथा केजकर रस्त्यावर उतरतील. असा संतप्त सवाल नागरिक करत आहेत.