निलंबित पोलीस निरीक्षकसुनील नागरगोजे यांची गळफास घेऊन आत्महत्या.
बीड/ प्रतिनिधी: कुठल्याही क्षेत्रात नोकऱ्या करणे नव्हे नोकऱ्या करून घेणे कठीण झालेले असतानाच, जिल्हा पोलीस अधीक्षकासह वरिष्ठ पोलीस अधिकारी यांच्यावर गंभीर आरोप केल्याप्रकरणी राज्याच्या पोलीस महासंचालकांनी निलंबित केलेले बीड जिल्ह्याचे रहिवासी आणि बीड येथे पोलीस नियंत्रण कक्षात नियुक्तीस असलेले पोलीस निरीक्षक सुनील नागरगोजे यांनी अंबाजोगाई येथील राहत्या घरी गळफास घेऊन आत्महत्या केल्याची दुर्दैवी घटना सोमवार दिनांक 1 सप्टेंबर 2025 रोजी घडली आहे. या संदर्भात सोमवारी रात्री उशिरा समजलेली दुःखदायक माहिती अशी की, बीड येथे गेल्या एक वर्षांपूर्वी बदलून आलेले पोलीस निरीक्षक सुनील नागरगोजे यांची जिल्हा पोलिस अधीक्षक व वरिष्ठ पोलीस अधिकाऱ्यांशी वादावादी झाली होती. सदर प्रकरणात चौकशी अहवाला नुसार राज्याच्या पोलिस महासंचालकांनी सुनील नागरगोजे यांना निलंबित केले होते. सोमवारी रात्री 8.00 वाजण्याच्या सुमारास सुनील नागरगोजे राहणार प नागदरा तालुका परळी वै.यांनी अंबाजोगाई येथे आपल्या राहत्या घरी सिलिंग फॅनला गळफास घेऊन आत्महत्या केली. याप्रकरणी अंबाजोगाई पोलीस पुढील तपास करत आहेत. पोलीस निरीक्षक सुनील नागरगोजे यांनी आत्महत्या करण्यापूर्वी काही सुसाईड नोट किंवा इतर आत्महत्येस कारण असलेला काही पुरावा मागे ठेवला आहे किंवा नाही याची माहिती अद्याप कळू शकलेली नाही.
हे पोर्टल मालक, प्रकाशक शिवदास मारोती मुंडे यांनी पाठलाग कार्यालय,"शिवशक्ती " पाण्याच्या टाकी जवळ, महात्मा फुलेनगर, केज जि.बीड(महाराष्ट्र) येथून प्रकाशित केले.(पोर्टल मध्ये प्रकाशित झालेल्या बातम्या संदर्भात संपादक, मालक सहमत असतीलच असे नाही. **कुठलाही वाद-विवाद केज न्यायालयाच्या कक्षेत.
