बीड जिल्ह्याच्या वडवणी न्यायालयाच्या आवारातच सरकारी वकिलाची गळफास घेऊन आत्महत्या.
वडवणी – बीड जिल्ह्यातील वडवणी न्यायालयात कार्यरत असलेल्या एका सरकारी वकिलाने न्यायालयाच्या आवारातच गळफास घेऊन आत्महत्या केल्याने न्याय क्षेत्रात एकच खळबळ उडाली आहे.
न्यायालयातील एका खोलीत ही आत्महत्या केल्याची माहिती समोर आली आहे. पोलीस या प्रकरणाचा कसून तपास करीत आहेत. विनायक लिंबाजी चंदेल (वय-४८) असे आत्महत्या केलेल्या सरकारी वकिलाचे नाव असून, ते आठ महिन्यापूर्वी बीड जिल्ह्यातील वडवणी न्यायालयात सरकारी वकील म्हणून रुजू झाले होते असे कळते. आज सकाळी न्यायालयात चंदेल यांनी आत्महत्या केल्याचे समोर आल्यानंतर न्यायालयीन परिसरात एकच खळबळ उडाली. वडवणी पोलीस ठाण्याच्या सपोनि वर्षा व्हागाडे यांनी घटनास्थळी जाऊन घटनेचा पंचनामा केला असून,चंदेल यांनी आत्महत्या करण्यापूर्वी सुसाईड नोट देखील लिहिल्याचे कळते. पोलीस याप्रकरणाचा तपास करणार असून या घटनेमुळे मात्र जिल्ह्यात खळबळ उडाली आहे. आठ महिन्यापूर्वी आले होते वडवणीला सरकारी वकील विनायक चंदेल आठ महिन्यापूर्वी वडवणी च्या न्यायालयात रुजू झाले होते. आठ महिन्यापासून ते सरकारी वकील म्हणून काम करताना त्यांची कारकीर्द देखील चांगली राहिली होती. आज सकाळी अचानक आत्महत्या केल्याचा प्रकार समोर आल्यामुळे खळबळ उडाली असून यामागे नेमक काय कारण आहे याचा शोध सुरु आहे.
हे पोर्टल मालक, प्रकाशक शिवदास मारोती मुंडे यांनी पाठलाग कार्यालय,"शिवशक्ती " पाण्याच्या टाकी जवळ, महात्मा फुलेनगर, केज जि.बीड(महाराष्ट्र) येथून प्रकाशित केले.(पोर्टल मध्ये प्रकाशित झालेल्या बातम्या संदर्भात संपादक, मालक सहमत असतीलच असे नाही. **कुठलाही वाद-विवाद केज न्यायालयाच्या कक्षेत.
