तमाम देवीभक्तांताचं आराध्य दैवत असलेल्या “वडजुआई तथा वडमाऊली” देवीच्या यात्रेला उद्यापासून सुरुवात!
यात्रा कमिटीकडून विविध सांस्कृतिक कार्यक्रमांचे आयोजन.
केज : केज तालुक्यातील दहीफळ (वडमाऊली)येथील सुप्रसिद्ध तिर्थक्षेत्र असलेल्या वडजुआई तथा वडमाऊली देवीचा भव्य यात्रा महोत्सव दि.५ मे रविवार पासुन सुरू होत असून, या भव्य-दिव्य यात्रेनिमित्त यात्रा कमिटीने विविध सांस्कृतिक कार्यक्रमांचे आयोजन करण्यात आले असल्याची माहीती कमिटीचे अध्यक्ष येडूनाना ठोंबरे यांनी दिली आहे. दि.५ ते ९ मे दरम्यान होत असलेल्या यात्रेनिमित्त लोकनाट्य( तमाशा ),आराधी गिते, लेझीम पथक आईचा छबीना मिरवणूक हे सांस्कृतीक कार्यक्रम आयोजित करण्यात आले असून, पंचक्रोशितील भावीक भक्तानी मोठ्या संख्येने उपस्थित राहून यात्रेची शोभा वाढवावी असे आव्हान यात्रा कमेटीचे अध्यक्ष येडूनाना ठोंबरे,सचिव भिकचंद ठोंबरे (सावकार), सदस्य हारीमास्तर ठोंबरे सह सर्व सदस्यांनी केले आहे.
केज तालुक्यातील दहीफळ (वडमाऊली) येथे तिर्थक्षेत्र वडजुआई ( वडमाऊली ) देवीचे मंदीर आहे. दरवर्षी चैत्र महीन्यातील अष्टमी पासुन या यात्रेला सुरुवात होते असते.सालाबादा प्रमाणे या वर्षीही दि.५ मे रविवार रोजी सकाळी देवीची पालखी दहीफळ येथून बॅंड लेझीम पथक व आराधी मंडळीसह देवीची गाणे गाऊन पालखी महोत्सवात सहभागी होतात. वडजुआई ( वडमाऊली ) देवीला महीला पुरणपोळीचा नैवद दाखवुन सवाशीणी जेवणाचा कार्यक्रम करतात. यात्रेनिमित्त दहीफळ वडमाऊली येथील युवा नेते तथा पंचायत समीती सदस्य दत्तात्रय ( पिंटु ) ठोंबरे,सरपंच डाॅ.शशिकांत दहिफळकर,राहूलभैय्या गदळे,शरद गदळे यांनी व यात्रा कमिटीचे अध्यक्ष येडूनाना ठोंबरे,सचिव भिकचंद ठोंबरे (सावकार), सदस्य हारीमास्तर ठोंबरे सह सर्व सदस्यांनी व गावक-यांनी पुढाकार घेऊन ग्रामीण भागातील भाविकभक्तांच्या मनोरंजनासाठी ५ मे व ६ हे दोन दिवस संध्याकाळी आठ वाजता हारीभाऊ बडे नगरकर सह शिवकन्या बडे नगरकर यांचा बहुरंगी लोकनाट्य तमाशाचा कार्यक्रम आयोजित करण्यात आला आहे.मंगळवारी संध्याकाळी आराधी गीताचा कार्यक्रम आयोजित केला आहे. बुधवारी संध्याकाळी वडमाऊली देवी मंदीर परीसरात देवीचा छबीना मिरवणूक होईल तर गुरुवारी संध्याकाळी दहिफळ गावात छबिना मिरवणूकीने यात्रेची सांगता होणार आहे.या आयोजित केलेल्या विविध कार्यक्रमात यात्रेकरुंनी मोठ्या संख्येने उपस्थित राहून यात्रेची शोभा वाढवावी असे आवाहन वडमाऊली यात्रा कमेटीचे अध्यक्ष येडूनाना ठोंबरे,सचिव भिकचंद ठोंबरे (सावकार), कोषाध्यक्ष हारीमास्तर ठोंबरे,सदस्य गंगाधर गदळे,रामहारी ठोंबरे;बन्सी ठोंबरे सह इतर सदस्यांनी व गावक-यांनी केले आहे.
