सोशल मीडियावर बीडच्या खासदाराची चड्डी गळून पाडण्याची भाषा करणार्या पोलीस अधिकारी मुंडेंची उचलबांगडी!

• सोशल मीडियावर बीडच्या खासदाराची चड्डी गळून पडण्याची भाषा  करणार्या पोलीस अधिकारी मुंडेंची उचलबांगडी!

बीड – बीड जिल्ह्यातील मसाजोग चे सरपंच संतोष देशमुखचे हत्या प्रकरण अतिशय नाजूक असताना व राजकीय दृष्ट्या ते संवेदनशील बनलेले असताना बीडचे खासदार बजरंग सोनवणे यांच्या विरोधात सोशल मीडियावर वादग्रस्त पोस्ट करणारे बीडचे सहायक पोलीस निरीक्षक गणेश मुंडे यांची तडकाफडकी पुणे कंट्रोल रूम ला बदली करण्यात आली आहे.गणेश मुंडे यांनी पोलीस पत्रकार ग्रुपवर बीडचे खा. बजरंग सोनवणे यांच्या बद्दल ‘ आपण बीडचे खासदार बजरंग सोनवणे यांच्या वास्तव परिस्थितीवर पत्रकार परिषद घेतली तर, बीडच्या खासदाराची चड्डी आपोआप फिटेल, अशी वादग्रस्त पोस्ट केली होती. याबाबत खा. बजरंग सोनवणे यांनी कारवाईची मागणी केली होती. खासदार बजरंग सोनवणे यांच्या तक्रारीची दखल घेऊन बीडचे सहाय्यक पोलीस निरीक्षक गणेश मुंडे यांची तात्काळ आणि तडकाफडकी पुणे कंट्रोल रूम ला बदली करण्यात आली आहे.