शाळा, कॅन्टीन आणि वसतिगृहांसाठी एफडीएची नवी नियमावली; आयुक्त तुकाराम मुंढे यांचे निर्देश.
प्रतिनिधी/पाठलाग न्यूज: शाळा व महाविद्यालयांमधील कॅन्टीन तसेच विद्यार्थ्यांना पुरवल्या जाणाऱ्या मध्यान्ह भोजनाच्या (माध्यान्ह आहार) दर्जाबाबत अन्न व औषध प्रशासनाचे (FDA) आयुक्त तुकाराम मुंढे यांनी कडक धोरण जाहीर केले आहे. राज्यातील १ लाखांहून अधिक शाळांमधील २ कोटींहून अधिक विद्यार्थ्यांच्या आरोग्यासाठी ‘सेव्ह फूड फॉर एव्हरी चाइल्ड इन महाराष्ट्र’ या मोहिमेची घोषणा करण्यात आली आहे. बातमीतील प्रमुख मुद्दे: FSSAI परवाना सक्तीचा: अंगणवाडी ते १२ वी पर्यंतचे मध्यान्ह भोजन पुरवठादार, शाळा/महाविद्यालयांची कॅन्टीन्स आणि वसतिगृहातील मेससाठी FSSAI चा वैध परवाना असणे आता अनिवार्य असेल. जंक फूडवर बंदी: शाळेच्या ५० मीटर परिघात चिप्स, कोल्ड ड्रिंक्स आणि तळलेले पदार्थ (HFSS/Junk Food) विकण्यावर व त्यांच्या जाहिरातींवर पूर्ण बंदी घालण्यात आली आहे. ईट राईट स्कूल: प्रत्येक शाळेत पोषक आहाराला प्रोत्साहन देण्यासाठी ‘ईट राईट स्कूल’ ही संकल्पना राबवली जाईल. अचानक तपासणी: एफडीएकडून वर्षातून किमान दोनदा अन्नाचे नमुने घेऊन प्रयोगशाळेत तपासणी केली जाईल. जबाबदारी निश्चित: नियमांचे पालन करण्याची मुख्य जबाबदारी शाळा व्यवस्थापन व मुख्याध्यापकांची असेल. उल्लंघन करणाऱ्यांवर कडक कायदेशीर कारवाईचा इशारा देण्यात आला आहे.
हे पोर्टल मालक, प्रकाशक शिवदास मारोती मुंडे यांनी पाठलाग कार्यालय,"शिवशक्ती " पाण्याच्या टाकी जवळ, महात्मा फुलेनगर, केज जि.बीड(महाराष्ट्र) येथून प्रकाशित केले.(पोर्टल मध्ये प्रकाशित झालेल्या बातम्या संदर्भात संपादक, मालक सहमत असतीलच असे नाही. **कुठलाही वाद-विवाद केज न्यायालयाच्या कक्षेत.
