मराठवाड्याचा अभिमान! आय.ए.एस. किरणकुमार गीत्ते यांची त्रिपुराच्या मुख्यमंत्र्यांचे सचिव म्हणून नियुक्ती.
विशेष प्रतिनिधी/ पाठलाग न्यूज: मराठवाड्याच्या शिरपेचात आणखी एक मानाचा तुरा रोवला गेला आहे. आपल्या कर्तव्यदक्षतेने आणि कार्यकुशलतेने प्रशासकीय सेवेत वेगळा ठसा उमटवणारे मराठवाड्याचे भूमिपुत्र मा. श्री. किरणकुमार गीत्ते (IAS) यांची त्रिपुरा राज्याचे मुख्यमंत्री डॉ. माणिक साहा यांचे सचिव म्हणून नियुक्ती करण्यात आली आहे. या महत्त्वपूर्ण जबाबदारीबद्दल त्यांचे सर्व स्तरांतून अभिनंदन होत आहे.
कर्तव्यनिष्ठेचा आणि कार्यक्षमतेचा सन्मान: “माणसाला देव होता येत नाही, पण देवासारखा माणूस नक्कीच होता येतो,” या उक्तीप्रमाणे गीत्ते साहेबांनी आपल्या कामातून नेहमीच जनमाणसात अढळ स्थान निर्माण केले आहे. यापूर्वी त्यांनी सार्वजनिक आरोग्य, पर्यावरण, आणि सार्वजनिक बांधकाम अशा अत्यंत महत्त्वाच्या विभागांची जबाबदारी यशस्वीपणे सांभाळली आहे.
त्यांच्या याच प्रामाणिकपणा, दूरदृष्टी आणि कार्यक्षमतेची दखल घेत आता त्यांच्यावर मुख्यमंत्री सचिवपदाची मोठी जबाबदारी सोपवण्यात आली आहे. ही बाब मराठवाड्यासह संपूर्ण महाराष्ट्रासाठी अत्यंत अभिमानास्पद आहे. यशस्वी प्रवासात कुटुंबाची मोलाची साथ: श्री. किरणकुमार गीत्ते साहेबांच्या या यशस्वी प्रशासकीय वाटचालीत आणि देशसेवेच्या प्रवासात त्यांच्या अर्धांगिनी सौ. उषाताई गीत्ते यांचेही मोलाचे सहकार्य व प्रेरणा लाभली आहे.
शुभेच्छांचा वर्षाव: या सुवर्ण यशाबद्दल स्वररत्न संगीत परिवाराचे संचालक व शेपवाडीचे माजी उपसरपंच श्री. सुभाष शेप (महाराष्ट्राचा महागायक पुरस्कृत) यांनी किरणकुमार गीत्ते साहेबांचे मनःपूर्वक अभिनंदन केले आहे. “साहेबांनी प्रशासकीय सेवेत अशीच यशाची उंच शिखरे पादाक्रांत करावीत आणि देशसेवेचा नवा आदर्श घडावा,” अशा शब्दांत त्यांनी गीत्ते साहेबांना पुढील कारकिर्दीसाठी भावपूर्ण शुभेच्छा दिल्या आहेत.
हे पोर्टल मालक, प्रकाशक शिवदास मारोती मुंडे यांनी पाठलाग कार्यालय,"शिवशक्ती " पाण्याच्या टाकी जवळ, महात्मा फुलेनगर, केज जि.बीड(महाराष्ट्र) येथून प्रकाशित केले.(पोर्टल मध्ये प्रकाशित झालेल्या बातम्या संदर्भात संपादक, मालक सहमत असतीलच असे नाही. **कुठलाही वाद-विवाद केज न्यायालयाच्या कक्षेत.
