मुंबई: आयुर्वेदाच्या नावाखाली आणि भ्रामक जाहिरातींच्या जोरावर ग्राहकांच्या गळ्यात औषधे मारणाऱ्या पतंजली आयुर्वेद संस्थेला अन्न व औषध प्रशासनाने (FDA) मोठा झटका दिला आहे. “एफ डी ए ने रामदेव बाबा घेरला!” अशीच काहीशी परिस्थिती सध्या निर्माण झाली असून, पतंजलीच्या काही प्रमुख उत्पादनांवर आणि त्यांच्या दिशाभूल करणाऱ्या जाहिरातींवर प्रशासनाने थेट कारवाईचा बडगा उगारला आहे. यामुळे संपूर्ण उद्योगजगतात आणि पतंजलीच्या वर्तुळात प्रचंड खळबळ उडाली आहे. मिळालेल्या खात्रीशीर माहितीनुसार, पतंजलीकडून त्यांच्या काही उत्पादनांबाबत करण्यात येणारे दावे आणि जाहिराती कायद्याचा भंग करणाऱ्या आढळल्या आहेत. गंभीर आजार बरे करण्याचे खोटे दावे करणाऱ्या उत्पादनांच्या जाहिरातींवर एफडीएने आक्षेप घेतला आह. नियमांचे उल्लंघन केल्याप्रकरणी पतंजलीच्या काही ठराविक उत्पादनांचे मॅन्युफॅक्चरिंग लायसन्स (उत्पादन परवाने) तात्काळ प्रभावाने निलंबित करण्यात आले आहेत. कारणे दाखवा नोटीस: “ग्राहकांची दिशाभूल का केली?” असा जाब विचारत प्रशासनाने बाबा रामदेव आणि आचार्य बाळकृष्ण यांना कडक शब्दांत नोटीस बजावली आहे.
”कायद्यापेक्षा कोणीही मोठा नाही.” एफडीएच्या एका वरिष्ठ अधिकाऱ्याने नाव न सांगण्याच्या अटीवर सांगितले की, पतंजलीच्या काही उत्पादनांमध्ये जे घटक असल्याचा दावा केला गेला होता, ते प्रयोगशाळेतील तपासणीत सिद्ध होऊ शकले नाहीत. तसेच, ‘ड्रग्ज अँड मॅजिक रेमेडीज ऍक्ट’ (Drugs and Magic Remedies Act) अंतर्गत ज्या आजारांच्या उपचारांची जाहिरात करण्यास सक्त मनाई आहे, त्याच आजारांवर पतंजली औषध गुणकारी असल्याचा दावा करत होती. बाबा रामदेव यांच्या अडचणीत वाढ! गेल्या काही काळापासून पतंजली संस्था आधीच सर्वोच्च न्यायालयाच्या (Supreme Court) रडारवर होती. न्यायालयाने जाहीर माफी मागण्यास सांगितल्यानंतरही पतंजलीची संशयास्पद जाहिरातबाजी सुरूच होती. आता त्यातच एफडीएने थेट ‘ॲक्शन मोड’मध्ये येत थेट उत्पादनांवरच टाच आणल्यामुळे बाबा रामदेव यांच्या अडचणीत कमालीची वाढ झाली आहे. या खळबळजनक कारवाईमुळे पतंजलीची उत्पादने वापरणाऱ्या कोट्यवधी ग्राहकांमध्ये आता भीतीचे वातावरण पसरले आहे. “आम्ही ज्या उत्पादनांवर डोळे झाकून विश्वास ठेवला, ती खरोखरच सुरक्षित आहेत का?” असा प्रश्न आता सामान्य जनतेला पडला आहे. या संपूर्ण प्रकरणावर आता पतंजली व्यवस्थापन काय अधिकृत भूमिका घेते आणि कोर्टात किंवा एफडीए समोर स्वतःचा बचाव कसा करते, याकडे संपूर्ण देशाचे लक्ष लागले आहे.
हे पोर्टल मालक, प्रकाशक शिवदास मारोती मुंडे यांनी पाठलाग कार्यालय,"शिवशक्ती " पाण्याच्या टाकी जवळ, महात्मा फुलेनगर, केज जि.बीड(महाराष्ट्र) येथून प्रकाशित केले.(पोर्टल मध्ये प्रकाशित झालेल्या बातम्या संदर्भात संपादक, मालक सहमत असतीलच असे नाही. **कुठलाही वाद-विवाद केज न्यायालयाच्या कक्षेत.
