लहुरी येथील बडेबाबा विद्या मंदिर चे सेवानिवृत्त मुख्याध्यापक विजयकुमार पटाईत यांचा पत्नी अलका पटाईत यांच्यासह माजी आमदार पृथ्वीराज साठे यांचे हस्ते सत्कार.

लहुरी येथील बडेबाबा विद्या मंदिर चे सेवानिवृत्त मुख्याध्यापक विजयकुमार पटाईत यांचा पत्नी अलका पटाईत यांच्यासह माजी आमदार पृथ्वीराज साठे यांचे हस्ते सत्कार.

बीड/प्रितिनिधी : लहुरी (ता. केज) येथील बडेबाबा विद्यामंदिराचे मुख्याध्यापक विजयकुमार पटाईत यांचा सेवपूर्ती गौरव शाळा प्रांगणात मोठ्या उत्साहात पार पडला. विज्ञान शिक्षक म्हणून सेवेत दाखल झालेले विजयकुमार पटाईत यांच्या अध्यापन, प्रशासन कौशल्याची दखल घेत संस्थेने त्यांना मुख्याध्यापकपदी बढती दिली. त्यांनी या पदावरही अनेक वर्षे यशस्वी काम केले. त्यांच्या नेतृत्वाखाली शाळेचा १० वीच्या निकालासह विद्याथर्यांनी क्रिडा स्पर्धा, सांस्कृतिक विषयांतही नैपुण्य मिळविले. श्री. पटाईत यांनी विडा पंचायत समिती गणातून पंचायत समिती सदस्य म्हणूनही काम केलेले आहे. शनिवारी (दि. ४) त्यांचा सेवापुर्ती समारंभ माजी आमदार पृथवीराज साठे यांच्यासह मान्यवरांच्या प्रमुख उपस्थितीत पार पडला. या निमित्त विजयकुमार पटाईत व त्यांच्या पत्नी माजी सरपंच अलका पटाईत यांचा सपत्नीक सत्कार करण्यात आला. यावेळी राज्य कामगार विमा योजनेचे वैद्यकीय संचालक डॉ. अशोक थोरात, माजी पंचायत समिती सदस्य दत्तात्रय ठोंबरे, लहूरीचे सरपंच मुन्ना चाळक, सुदामराज शास्त्री महाराज, मधुकर महाराज बीडकर, श्रीराम महाराज विडेकर, सरपंच नामदेव आंधळे, कपिल मस्के आदी उपस्थित होते.