माजलगावमध्ये थरार! शेतातील खुनाचा छडा लावून स्थानिक गुन्हे शाखेने १२ तासांत आवळल्या आरोपीच्या मुसक्या! ​पुण्यातील मारहाण आणि कुऱ्हाडीने धमकावल्याचा सूड; भररात्री पाठलाग करून पोटात अन् गळ्यावर चालवला चाकू!

माजलगावमध्ये थरार! शेतातील खुनाचा छडा लावून स्थानिक गुन्हे शाखेने १२ तासांत आवळल्या आरोपीच्या मुसक्या!

​पुण्यातील मारहाण आणि कुऱ्हाडीने धमकावल्याचा सूड; भररात्री पाठलाग करून पोटात अन् गळ्यावर चालवला चाकू!

​बीड: बीड जिल्ह्यातील माजलगाव ग्रामीण पोलीस ठाण्याच्या हद्दीतील तालखेड गावात एका तरुणाचा निघृण खून झाल्याची धक्कादायक घटना उघडकीस आली आहे. विकास दत्तात्रय वाघमोडे (वय ३३) असे मयत इसमाचे नाव असून, त्याचा मृतदेह शेताजवळ रक्ताच्या थारोळ्यात आढळून आला होता. या अंधाऱ्या गुन्ह्याचे गूढ उकलत बीड स्थानिक गुन्हे शाखेने (LCB) अत्यंत कौशल्याने अवघ्या १२ तासांच्या आत मुख्य आरोपीला बेड्या ठोकल्या आहेत. आदित्य बारवाळ असे अटक करण्यात आलेल्या आरोपीचे नाव आहे. ​सूडाचा थरार: जुन्या भांडणाचा घेतला बदला ​घटनाक्रम असा की, दि. २९ जून २०२६ रोजी तालखेड गावातील विकास वाघमोडे यांचा मृतदेह त्यांच्याच शेताशेजारी संशयास्पद स्थितीत आढळून आला. या घटनेमुळे संपूर्ण परिसरात खळबळ उडाली होती. माजलगाव ग्रामीण पोलीस ठाण्यात अज्ञात आरोपीविरुद्ध भा.न्या.सं. कलम १०३(१) अन्वये खुनाचा गुन्हा दाखल करण्यात आला होता. घटनेचे गांभीर्य ओळखून बीडचे पोलीस अधीक्षक नवनीत काँवत यांनी तात्काळ स्थानिक गुन्हे शाखेला (LCB) समांतर तपास करण्याचे आदेश दिले. ​पोलीस चौकशीदरम्यान आरोपी आदित्य बारवाळ याने आपला गुन्हा कबूल केला. काही दिवसांपूर्वी पुणे येथे मयत विकास वाघमोडे याने आदित्यला मारहाण केली होती. तसेच पंधरा दिवसांपूर्वी तालखेडफाटा येथे पुन्हा दोघांमध्ये जोरदार भांडण झाले होते, ज्यामध्ये विकासने अंगावर कुऱ्हाड घेऊन मारण्याचा प्रयत्न केला व जीवे मारण्याची धमकी दिली होती. याच अपमानाचा आणि रागाचा सूड घेण्याचे आदित्यने निश्चित केले. ​भररात्री केला पाठलाग आणि सपासप वार ​दि. २८ जून २०२६ रोजी रात्री ११:०० वाजण्याच्या सुमारास, आरोपी आदित्य बारवाळ याने विकास वाघमोडे याचा गावातूनच पाठलाग सुरू केला. विकास आपल्या शेताकडे जाणाऱ्या रस्त्याने एकटाच चालला असल्याचे पाहून आदित्यने त्याला निर्जन स्थळी अडवले. मनात खुनशी राग धरून आलेल्या आदित्यने विकासच्या पोटावर दोन आणि गळ्यावर एक सपासप वार केले. हा हल्ला इतका भीषण होता की विकासचा जागीच मृत्यू झाला. खून केल्यानंतर आरोपी शांतपणे घरी निघून गेला होता. ​एलसीबीची कौतुकास्पद कामगिरी ​स्थानिक गुन्हे शाखेचे पोउपनि महेश विघ्ने आणि त्यांच्या पथकाने गुप्त बातमीदारांमार्फत माहिती मिळवली की, मयत विकास आणि आदित्य यांच्यात काही दिवसांपूर्वी मोठे भांडण झाले होते. या धाग्यावरून पोलिसांनी संशयित आदित्य बारवाळ याला ताब्यात घेऊन खाक्या दाखवताच त्याने गुन्ह्याची कबुली दिली. पोलिसांनी अवघ्या १२ तासांत या अंधाऱ्या खुनाचा छडा लावून आरोपीला पुढील कारवाईसाठी माजलगाव ग्रामीण पोलिसांच्या ताब्यात दिले आहे. ​ही धडाकेबाज कामगिरी करणारे पोलीस पथक: पोलीस अधीक्षक मा. श्री. नवनीत काँवत, मा. अप्पर पोलीस अधीक्षक चेतना तिडके, मा. पोलीस उपअधीक्षक श्री. ऋषिकेश शिंदे यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री. शिवाजी बंटेवाड, पो.स्टे. माजलगाव ग्रामीणचे प्रभारी पोनि विजयकुमार रामोड, पोउपनि महेश विघ्ने, पोह/बप्पासाहेब घोडके, पोह/महेश जोगदंड, पोह/जफर पठाण, पोह/दिलीप गित्ते आणि चापोह/ गणेश मराडे यांनी ही कामगिरी पार पाडली.