ताज्या घडामोडीमहाराष्ट्रराजकीय

महायुतीच्या उमेदवार आमदार नमिता मुंदडा यांनी भरला ‘चिडीचूपी’ने उमेदवारी अर्ज.

पाठलाग न्यूज / प्रतिनिधी :

केज विधानसभा मतदार संघात राष्ट्रवादी काँग्रेस, रिपाई व अंबाजोगाई( शिंदे गट) शिवसेना हे ‘महायुती’ सोबत नाही.

महायुतीच्या उमेदवार आमदार नमिता मुंदडा यांनी भरला ‘चिडीचूपी’ने उमेदवारी अर्ज.

फक्त किरायाने आणलेल्या गाड्या! प्रत्येक गाडीत फक्त एकच माणूस!!

केज-अंबाजोगाई मतदारसंघाच्या विद्यमान आमदार नमिताताई मुंदडा.

केज : सोमवार दि २८ रोजी उमेदवारी दाखल करण्यासाठी विधानसभा मतदारसंघाच्या प्रमुख दावेदार आमदार नमिता मुंदडा व भाजपाच्या मा. आमदार संगीता ठोंबरे यांनी उमेदवारी अर्ज दाखल केले. यावेळी महायुती मधील मोठी बिघाडी समोर आली असून, भाजपाच्या माजी आमदार संगीता ठोंबरे यांनी मोठे शक्ती प्रदर्शन करत आपला उमेदवारी अर्ज दाखल केला, परंतु महायुतीच्या उमेदवार नमिता मुंदडा यांनी कार्यकर्ते व शक्ती प्रदर्शन विना फक्त मोकळ्या गाड्यांच्या ताफ्यासह आपला उमेदवारी अर्ज दाखल केल्यामुळे महायुती मधील अंतर्गत वाद दिसून आला आहे. भाजपाच्या उमेदवारा सोबत राष्ट्रवादी काँग्रेस व रिपाई चे पदाधिकारी व कार्यकर्ते सोबत न्हवते तर, अंबाजोगाई ची शिवसेना देखील सोबत दिसले नाहीत. केवळ लाभधारक व गुत्तेदार हे १०० ते १५० लाभार्थी च्या उपस्थितीत अर्ज दाखल केल्या मुळे, मुंदडांच्या उमेदवारीबाबत चर्चेचा विषय झाला आहे. यावेळी भाजपचे नेहमी काम करणारे प्रमुख पदाधिकारी देखील कुठेतरी दडून बाजूलाच उभे असलेले दिसत होते. भाजपाच्या माजी आमदार संगीता ठोंबरे यांनी मात्र सोमवारी मोठे शक्ती प्रदर्शन करत आपला उमेदवारी अर्ज दाखल केल्या मुळे संगीता ठोंबरे ह्याच महायुतीच्या उमेदवार असल्याचे चित्र दिसत होते. यावेळी संगीता ताई ठोंबरे यांनी मोठ्या ताफ्यासह छत्रपती संभाजी महाराज चौक ते तहसील कार्यालय पर्यंत जबरदस्त पायी रॅली काढली होती. त्यापुर्वी गोपीनाथ गडावर जाऊन स्व.गोपीनाथ मुंडे साहेबांच्या समाधीवर जाऊन दर्शन घेण्याचे व प्रभू वैजेनाथचे दर्शन घेण्याचे ठोंबरे विसरल्या नाहीत. भाजपाचे हे संस्कार वापरून व आशीर्वाद घेऊनच अपक्ष उमेदवार संगीता ताई ठोंबरे यांनी आपला उमेदवारी अर्ज दाखल केला.विद्यमान आमदार नमिता मुंदडा यांचा अर्ज दाखल करण्यासाठी मात्र कार्यकर्ते दोन तास तहसील समोर उभे होते. परंतु, गर्दी काहीच जमत न्हवती,त्यामुळे शेवटी दोन तासांनी नमिता मुंदडा या आल्या आणि, अर्ज दाखल करायला निघून गेल्या. परंतु भारतीय जनता पार्टी चे पक्ष प्रमुख पदाधिकारी काही दिसत न्हवते जे निवडणुकीत नेहमीच पक्षाच्या कामात असणारे मात्र लांब उभे होते.तसेच महायुती मधील घटक पक्ष राष्ट्रवादी काँग्रेस रिपाई ( आ) इतर पक्ष व शिवसेना अंबाजोगाई येथील पदाधिकारी मात्र दिसलें नाहीत. त्यामुळे महायुती मधील पडलेली दरी मात्र प्राकर्षाने जाणवत होती. याच बरोबर महाराष्ट्र नवनिर्माण सेनेचे उमेदवार रमेश गालफाडे यांनी देखील चांगले शक्ती प्रदर्शन केले व उमेदवारी अर्ज दाखल केला.

शेअर करा

शिवदास मुंडे.

हे पोर्टल मालक, प्रकाशक शिवदास मारोती मुंडे यांनी पाठलाग कार्यालय,"शिवशक्ती " पाण्याच्या टाकी जवळ, महात्मा फुलेनगर, केज जि.बीड(महाराष्ट्र) येथून प्रकाशित केले.(पोर्टल मध्ये प्रकाशित झालेल्या बातम्या संदर्भात संपादक, मालक सहमत असतीलच असे नाही. **कुठलाही वाद-विवाद केज न्यायालयाच्या कक्षेत.

Related Articles

Leave a Reply

Your email address will not be published. Required fields are marked *

Back to top button
कॉपी करू नये