​देवदूत समान व्यक्तिमत्व:अ‍ॅड. बाबा सिरसाट यांचा वाढदिवस; अपघातग्रस्तांच्या मदतीला धावून जाणाऱ्या माणुसकीचा ‘पाठलाग’

​देवदूत समान व्यक्तिमत्व:अ‍ॅड. बाबा सिरसाट यांचा वाढदिवस; अपघातग्रस्तांच्या मदतीला धावून जाणाऱ्या माणुसकीचा ‘पाठलाग’

​केज (प्रतिनिधी): माणुसकीच्या नात्याने संकटात धावून जाणारी माणसं आजच्या काळात दुर्मीळ होत आहेत. मात्र, अशाच एका संकटकाळी देवदूत बनून मदतीला धावून आलेल्या अ‍ॅड. बाबा सिरसाट यांचा आज वाढदिवस. लातूर रोडवरील भीषण अपघातात ‘शेप परिवारा’साठी आधारवड ठरलेल्या अ‍ॅड. सिरसाट यांच्या कार्याचा आणि ऋणानुबंधाचा गौरव आज त्यांच्या वाढदिवसानिमित्त करण्यात येत आहे. ​तो भीषण प्रसंग आणि मदतीचा हात जीवनदानच ठरलेला आहे. ​काही वर्षांपूर्वी लातूर रोडवर सुप्रसिद्ध गायक  सुभाषराव शेप आणि त्यांच्या परिवाराचा भीषण अपघात झाला होता. त्यावेळी सुभाषजींसोबत त्यांची पत्नी, मुलगी निकिता आणि त्यांची आई होती. अपघात इतका भीषण होता की त्या काळया रात्री संपूर्ण परिवार हादरून गेला होता. मुलगी निकिता ही बेशुद्ध अवस्थेत पडली होती. ​नेमक्या त्याच वेळी अ‍ॅड. बाबा सिरसाट हे लातूरहून विरुद्ध दिशेने येत होते. गर्दी आणि गोंधळातही त्यांनी मदतीची हाक ऐकली आणि क्षणाचाही विलंब न करता ते धावून आले. त्यांनी केवळ मानसिक आधारच दिला नाही, तर तत्परतेने संपूर्ण शेप परिवाराला लातूर येथील अश्विनी हॉस्पिटलमध्ये दाखल केले. त्यांच्या या तत्परतेमुळेच एका मोठ्या संकटातून हा परिवार सुखरूप बाहेर पडू शकला. ​कौटुंबिक बंध आणि भक्तीचा संगम ​सिरसाट आणि शेप परिवारामध्ये केवळ ओळखीचे नाते नसून एक घट्ट कौटुंबिक ऋणानुबंध आहेत. योगायोगाने दोन्ही परिवारांचे कुलदैवत श्री ज्योतिबा असून, आजही बाबा सिरसाट हे कुलदैवताच्या दर्शनासाठी वाडी रत्नागिरी येथे चैत्र यात्रेनिमित्त गेले आहेत.​शुभेच्छांचा वर्षाव ​आज अ‍ॅड. बाबा सिरसाट यांच्या वाढदिवसानिमित्त श्री. सुभाष कौशल्या जोतीराम शेप व संपूर्ण शेप परिवाराने त्यांच्याबद्दल कृतज्ञता व्यक्त केली आहे. “ज्या दिवशी आमचा अपघात झाला, त्या दिवशी बाबा आमच्यासाठी साक्षात देवदूत म्हणून आले. त्यांच्या ऋणातून आम्ही कधीच मुक्त होऊ शकत नाही,” अशा भावना सुभाष शेप यांनी व्यक्त केल्या आहेत. ​’पाठलाग न्यूज’ परिवारातर्फे अ‍ॅड. बाबा सिरसाट यांना उत्तम आरोग्य आणि दीर्घायुष्य लाभो, हीच सदिच्छा!