दिल्लीच्या नव्या मुख्यमंत्री रेखा गुप्ता.

दिल्ली : दिल्ली विधानसभा निवडणुकीत ऐतिहासिक विजय मिळवल्यानंतर भाजप आमदारांची आज बैठक भाजपाच्या कार्यालयात पार पडली. या बैठकीत रेखा गुप्ता यांचं नाव दिल्लीच्या मुख्यमंत्रीपदासाठी सर्वानुमते निश्चित करण्यात आलं. त्यामुळे रेखा गुप्ता या उद्या दिल्लीच्या मुख्यमंत्रीपदाची शपथ घेणार असल्याचे निश्चित झाला आहे. रेखा गुप्ता या विद्यार्थी असल्यापासून राजकारणात सक्रिय आहेत. त्यांनी अखिर भारतीय विद्यार्थी परिषदेपासून आपल्या राजकीय कारकीर्दीला सुरुवात केली. आता त्या मुख्यमंत्रीपदापर्यंत पोहोचल्या आहेत. पण रेखा गुप्ता यांच्यासाठी मुख्यमंत्री पदाची जबाबदारी ही मोठी आव्हानात्मक असणार असल्याचं बोललं जात आहे . रेखा गुप्ता यांना या सर्वा आव्हानांना तोंड देत जनतेचं मन जिंकावं लागणार आहे.