वाशी पोलीस ठाण्याचे कर्तव्यदक्ष पोलीस निरीक्षक शंकर शिंदे यांना वाढदिवसाच्या हार्दिक शुभेच्छा!
केज: धाराशिव जिल्ह्यातील वाशी पोलीस ठाण्याचे कर्तव्यदक्ष, शिस्तप्रिय आणि तत्पर पोलीस निरीक्षक श्री. शंकर शिंदे साहेब यांचा आज वाढदिवस. आपल्या कडक, निष्कलंक आणि शिस्तबद्ध पोलीस सेवेसोबतच त्यांनी आरोग्य आणि क्रीडा क्षेत्रातही एक वेगळाच आदर्श निर्माण केला आहे. बीड मधील लाचलुचपत प्रतिबंधक विभागातील धडक कामगिरी: पोलीस निरीक्षक शंकर शिंदे यांनी २०२१ ते २०२४ या कालावधीत बीड येथे लाचलुचपत प्रतिबंधक विभागात (ACB) ‘पोलीस उपअधीक्षक’ (DySP) म्हणून अतिशय उत्कृष्ट व उल्लेखनीय कार्य केले आहे. आपल्या या कार्यकाळात त्यांनी बीड जिल्ह्यातील विविध शासकीय विभागांमध्ये बोकाळलेल्या लाचखोरांना व भ्रष्टाचाऱ्यांना चांगलाच चाप लावला होता.
भ्रष्टाचाराविरुद्ध शून्य सहणशीलता (Zero Tolerance) दाखवत त्यांनी अनेक बड्या लाचखोरांवर धडक कारवाया केल्या आणि भ्रष्टाचाऱ्यांना सळो की पळो करून सोडले होते. त्यांच्या या धाडसी व धडक कारवायांमुळे बीड जिल्ह्यात भ्रष्टाचाऱ्यांचे धाबे दणाणले होते, तर सर्वसामान्य नागरिकांमध्ये पोलीस प्रशासनाबद्दल विश्वासाचे वातावरण निर्माण झाले होते. मॅरेथॉन आणि फिटनेस क्षेत्रातही चमकदार कामगिरी: पोलीस सेवेतील अत्यंत व्यस्त आणि आव्हानात्मक दिनक्रमातून वेळ काढत त्यांनी मॅरेथॉन आणि रनिंग क्षेत्रात आपली एक वेगळी ओळख निर्माण केली आहे. ‘Team Achievers’ चे ते एक सक्रिय व प्रमुख सदस्य असून, एक उत्कृष्ट रनर (धावपटू) म्हणून ओळखले जातात. शारीरिक तंदुरुस्ती जपताना त्यांनी ४२.४३ किमी अंतराची पूर्ण मॅरेथॉन केवळ ४ तास १८ मिनिटांत पूर्ण करून आपल्या अफाट जिद्दीचे आणि शिस्तीचे दर्शन घडवले आहे. त्यांची ही जिद्द, सकारात्मक ऊर्जा, शिस्त आणि फिटनेसप्रति असलेले समर्पण अनेकांसाठी अत्यंत प्रेरणादायी ठरत आहे. समाजात कायदा व सुव्यवस्था राखण्यासोबतच लाचखोर आणि गुन्हेगारांवर कडक वचक निर्माण करणारे शिंदे साहेब फिटनेसच्या बाबतीतही तितकेच सजग आहेत. आज त्यांच्या वाढदिवसानिमित्त ‘पाठलाग न्यूज’ परिवारातर्फे श्री. शंकर शिंदे साहेब यांना उदंड, निरोगी आणि दीर्घ आयुष्याच्या मनःपूर्वक हार्दिक शुभेच्छा! त्यांना पोलीस सेवेतील पुढील प्रवासात तसेच रनिंग व क्रीडा क्षेत्रात उत्तरोत्तर उज्ज्वल यश आणि कीर्ती लाभो, हीच सदिच्छा!
हे पोर्टल मालक, प्रकाशक शिवदास मारोती मुंडे यांनी पाठलाग कार्यालय,"शिवशक्ती " पाण्याच्या टाकी जवळ, महात्मा फुलेनगर, केज जि.बीड(महाराष्ट्र) येथून प्रकाशित केले.(पोर्टल मध्ये प्रकाशित झालेल्या बातम्या संदर्भात संपादक, मालक सहमत असतीलच असे नाही. **कुठलाही वाद-विवाद केज न्यायालयाच्या कक्षेत.
