ऐन दिवाळीत जुगार्यांचा  “महाशिमगा”!      सहाय्यक पोलीस अधीक्षक पंकज कुमावत यांची बीड  तालुक्यात पत्त्याच्या क्लब वर धाड.

         ऐन दिवाळीत जुगार्यांचा                          “महाशिमगा”!

     सहाय्यक पोलीस अधीक्षक पंकज कुमावत यांची बीड                तालुक्यात पत्त्याच्या क्लब वर धाड.

       17 आरोपींना ताब्यात घेऊन             एकूण 25 आरोपी वर                                  गुन्हे दाखल.

     अकरा लाख एंशी हजार पन्नास         रुपयांचा मुद्देमाल जप्त

बीड:गुन्हेगारांचा “कर्दनकाळ”आणि बीडच्या पोलीस खात्याची शान म्हणून ओळखले जाणारे जिल्ह्याचे सहाय्यक पोलीस अधीक्षक पंकज कुमावत यांनी काल ऐन दिवाळीत बीड तालुक्यातील एका जुगारी क्लबवर धाड टाकून जुगार खेळणारे व खेळवणार्या अनेक आरोपींना रंगेहात पकडून त्यांचेवर कारवाई केली असून, ऐन दिवाळीत जुगार्यांना शिमगा साजरा करण्याची वेळ आली असल्याची प्रतिक्रिया व्यक्त करण्यात येत आहे. याबाबतची विस्तर माहिती अशी की, बीड जिल्ह्याचे सहाय्यक पोलीसअधिक्षक पंकज कुमावत, उपविभाग केज यांना गुप्त बातमीदारामार्फत माहिती मिळाली की, चऱ्हाटा फाटा ता.जि. बीड येथे तुकाराम नगरच्या पाठीमागे जुगार अड्डाचालक तांदळे यांच्या शेडमध्ये काही इसम “अंदर- बाहर” नावाचा जुगार पत्त्याच्या पानावर पैसे लावून खेळत आहेत, अशी माहिती मिळाल्याने स्वतः पंकज कुमावत साहेब यांनी व त्यांचे पथकातील अधिकारी व कर्मचारी यांचे सह सदर ठिकाणी दिनांक 09/11/2023 रोजी 19.30 वाजता रेड करुन 17 आरोपींना ताब्यात घेऊन त्यांचेसह एकूण 25 आरोपी वर गुन्हा दाखल करुन नमूद आरोपी कडून एकूण किमत 11,80,050/-(अकरा लाख एंशी हजार पन्नास रुपये) किमतीचा मुद्देमाल जप्त करण्यात आला असुन, एकुण 25 आरोपी विरुद्ध पोलीस नाईक दिलीप गीते यांच्या फिर्यादीवरून बीड ग्रामीण पोलीस स्टेशन मध्ये गुन्हा दाखल केला आहे. सदरची कारवाई पोलीस अधीक्षक नंदकुमार ठाकूर साहेब यांच्या व अप्पर पोलीस अधीक्षक सचिन पांडकर साहेब यांच्या मार्गदर्शनाखाली व स्वतः ASP पंकज कुमावत साहेब सहाय्यक पोलीस अधीक्षक उपविभाग केज व त्यांच्या पथकातील psi आनंद शिंदे, बाबासाहेब डापकर, दिलीप गीते, अनिल मंदे, भरत शेळके, गोविंद मुंडे, महादेव बहिरवाळ, शमीम पाशा तसेच rcp बीड येथील राठोड, जाधव, खेडकर, धनवे व पवार यांनी केली आहे.