​लक्ष्मी मुंडे नर्सिंग स्कूलच्या वार्षिक स्नेहसंमेलनाचे शुक्रवारी आयोजन; मधूरभैय्या मुंडे यांचे उपस्थित राहण्याचे आवाहन.

​लक्ष्मी मुंडे नर्सिंग स्कूलच्या वार्षिक स्नेहसंमेलनाचे शुक्रवारी आयोजन; मधूरभैय्या मुंडे यांचे उपस्थित राहण्याचे आवाहन.

​केज /विशेष प्रतिनिधी: केज शहरापासून जवळच असलेल्या मधुर पेट्रोल पंपा समोर, बीड रोडवरील सिद्धिविनायक शैक्षणिक सेवाभावी संस्था संचलित लक्ष्मी मुंडे नर्सिंग स्कूलच्या वतीने शैक्षणिक वर्ष २०२५-२६ चे भव्य वार्षिक स्नेहसंमेलन आयोजित करण्यात आले असून, हा कार्यक्रम शुक्रवार, दिनांक २३ जानेवारी रोजी सायंकाळी ६:०० वाजता बीड रोड वरील नरसिंग कॉलेजमध्ये संपन्न होणार असल्याची माहिती संस्थेचे चेअरमन मधुरभैय्या मुंडे यांनी दिली. ​या कार्यक्रमाचे उद्घाटन व सत्कारमूर्ती म्हणून अंबाजोगाई नगरपरिषदेचे नवनिर्वाचित नगराध्यक्ष मा. नंदकिशोर (काकाजी) मुंदडा उपस्थित राहणार आहेत. तर, प्रमुख पाहुणे म्हणून खालील मान्यवरांची उपस्थिती राहणार असल्याची माहिती संस्था प्रशासनाने दिली आहे. ​मा. अंकुशराव इंगळे (सभापती, केज कृषी उत्पन्न बाजार समिती) ​अक्षयभैय्या मुंदडा (भाजप युवा नेते) ​मा. रामभाऊ कुलकर्णी (महाराष्ट्र राज्य भाजप प्रवक्ते) ​मा. राकेश गिड्डे तहसीलदार, केज. ​स्वप्नील उनवणे (पोलीस निरीक्षक, केज) हे मान्यवर कार्यक्रमाला उपस्थित राहणार आहेत. ​याप्रसंगी संस्थेचे संस्थापक अध्यक्ष रमाकांत (बापू) मुंडे, सचिव सौ. उषाताई मुंडे, चेअरमन मधुरभैय्या मुंडे यांच्यासह अनेक मान्यवर उपस्थित राहणार आहेत. ​या वार्षिक स्नेहसंमेलनात लक्ष्मी नर्सिंग स्कूलचे प्रथम व द्वितीय वर्षाचे विद्यार्थी-विद्यार्थिनी आपले कला कौशल्य सादर करणार आहेत. विविध सांस्कृतिक कार्यक्रमांच्या माध्यमातून विद्यार्थ्यांच्या अंगभूत कला -गुणांना व्यासपीठ उपलब्ध करून देण्यात येणार असल्याचा उपक्रम राबविण्यात येणार आहे. ​कार्यक्रमाच्या यशस्वीतेसाठी लक्ष्मी नरसिंग कॉलेजचे प्राचार्य रवि पवार यांच्या मार्गदर्शनाखाली सर्व शिक्षक व शिक्षकेत्तर कर्मचारी वृंद परिश्रम घेत आहेत. या सोहळ्याला नागरिकांनी मोठ्या संख्येने उपस्थित राहावे, असे आवाहन कॉलेज व्यवस्थापनाच्या वतीने करण्यात आले आहे.