बीड जिल्ह्यातील घोसापुरीत नात्यातील अल्पवयीन मुलीची निर्घृण हत्या; कु-कृत्याचा संशय!!आरोपीचा विषारी द्रव्य प्राशन करुन आत्महत्येचा प्रयत्न.

बीड जिल्ह्यातील घोसापुरीत नात्यातील अल्पवयीन मुलीची निर्घृण हत्या; कु-कृत्याचा संशय!!आरोपीचा विषारी द्रव्य प्राशन करुन आत्महत्येचा प्रयत्न.

बीड : समाजात कु-प्रवृत्तींचा शिरकाव झाल्यामुळे नितिभ्रष्ट परिस्थिती निर्माण झाली असतांनाच नात्या-गोत्यांचा विसर पडलेल्या कु-कर्म्यांकडून काळेकुट्ट प्रकार केले जात असतांनाच बीड जिल्ह्य़ातील घोसापुरी गावातील आपल्या नात्यातील अल्पवयीन बालिकेची हत्या केल्याची भयानक आणि समाज मनाला वेदना देणारी घटणा समोर आल्याने जिल्ह्यात खळबळ उडाली आहे. या बाबत अधिक माहीती अशी की,बीड ग्रामीण पोलीस ठाणे हद्दीतील घोसापूरी येथे नात्यातील आरोपीने अल्पवयीन मुलीची हत्या केल्याची घटना शनिवारी रात्री ११:३० पुर्वी घडल्याची घटणा समोर आल् आहे. या प्रकारात एकूण पाच आरोपींचा समावेश असल्याचा प्राथमिक अंदाज असून, तीन आरोपींना पोलीसांनी तडकाफडकी ताब्यात घेतले असल्याची माहिती मिळाली असून;या प्रकारातील मुख्य आरोपीने विषारी द्रव्य प्राशन करुन आत्महत्येचा प्रयत्न केला आहे. विष प्राशन केलेल्या आरोपीवर बीड जिल्हा रुग्णालयात उपचार सुरू आहेत. पोलीस सुत्रांकडून मिळालेल्या माहितीनुसार, कु.अश्विनी बन्सी माळी ( वय १७ वर्ष ) रा. घोसापूरी ( ता.बीड ) असे हत्या झालेल्या अल्पवयीन मुलीचे नाव आहे. मयत अश्विनी मुख्य आरोपीच्या सख्या मामाची मुलगी असून, आरोपी हा मयताचा नात्याने भाऊ लागतआहे. आरोपीने इतर चारजणांना सोबत घेऊन माझ्या सोबत लग्न का करत नाहीस म्हणून होळी या आनंदाच्या सनाच्या पुर्वसंध्येला रात्री उशिरा अश्विनीची हत्या केली असल्याचे समोर आले आहे. या भयानक व काळेकुट्ट घटनेने बीड जिल्ह्यात खळबळ उडाली असून, घटनेची माहिती मिळताच बीड ग्रामीण पोलीस ठाण्याचे पोलीस निरीक्षक शिवाजी बंटेवाड यांनी आपल्सया हकार्यांसह घटनास्थळी धाव घेतली. तपासाची चक्रे फिरवून तीन आरोपींना ताब्यात घेतले. यातील मुख्य आरोपीने विषारी द्रव्य प्राशन करून आत्महत्येचा प्रयत्न केल्यामुळे त्याच्यावर
बीड च्या जिल्हा रुग्णालयात उपचार सुरू आहेत. आरोपींने मयतावर आत्याचार केल्याचा संशय व्यक्त केला जात आहे.