दणका… धडाका… आणि थेट संवाद! खासदार डॉ. श्रीकांत शिंदेंच्या नेतृत्वाखाली शिवसेनेचे ‘शिवसंवाद अभियान’ सुसाट! ​’जिंकाच, अन्यथा पर्याय नाही’ – मुख्य नेते एकनाथराव शिंदे साहेबांचा कार्यकर्त्यांना थेट संदेश;मैदानात उतरले संपर्क मंत्री!

दणका… धडाका… आणि थेट संवाद! खासदार डॉ. श्रीकांत शिंदेंच्या नेतृत्वाखाली शिवसेनेचे ‘शिवसंवाद अभियान’ सुसाट! ​

‘जिंकाच, अन्यथा पर्याय नाही’ – मुख्य नेते एकनाथराव शिंदे साहेबांचा कार्यकर्त्यांना थेट संदेश;

मैदानात उतरले संपर्क मंत्री!

​विशेष प्रतिनिधी/ मुंबई/ठाणे: आगामी स्थानिक स्वराज्य संस्थांच्या निवडणुका आणि संघटनात्मक रणसंग्रामासाठी शिवसेना (शिंदे गट) पूर्णपणे ॲक्शन मोडवर आली आहे. पक्षाचे मुख्य नेते आणि राज्याचे उपमुख्यमंत्री माननीय एकनाथराव शिंदे साहेब यांच्या मार्गदर्शनाखाली आणि तरुण-तडफदार खासदार डॉक्टर श्रीकांत शिंदे यांच्या थेट नेतृत्वाखाली सध्या संपूर्ण महाराष्ट्रात ‘शिवसंवाद अभियान’ वादळासारखे घोंगावत आहे. या अभियानाने विरोधकांचे धाबे दणाणले असून, तळागाळातील शिवसैनिकांमध्ये एका नव्या ऊर्जेचा संचार झाला असल्याचे चित्र दिसत आहे.​या संपूर्ण अभियानाची धुरा स्वतः खा. डॉ. श्रीकांतजी शिंदे यांनी आपल्या खांद्यावर घेतली असून,ते केवळ एसी केबिनमध्ये बसून नाही, तर थेट मैदानावर उतरून प्रत्येक विभागाचा, जिल्ह्याचा दौरा करत आहेत. मराठवाडा असो, पश्चिम महाराष्ट्र की मुंबई-ठाणे, डॉक्टर साहेबांच्या उपस्थितीत होणाऱ्या बैठकांमध्ये कार्यकर्त्यांचा अभूतपूर्व उत्साह पाहायला मिळत आहे. ​विशेष म्हणजे, या दौऱ्यात खासदार श्रीकांत शिंदे केवळ भाषणे ठोकत नसून, प्रत्येक मतदारसंघाची ‘झाडाझडती’ घेत आहेत. मागील निवडणुकांचे गणित, मिळालेली मते आणि स्थानिक समस्यांचा ते स्वतः सूक्ष्म आढावा घेत आहेत. जिथे शिथिलता आहे, तिथे कार्यकर्त्यांना कानपिचक्या देत आणि जिथे चांगली कामगिरी आहे, तिथे पाठीवर कौतुकाची थाप देत त्यांनी संघटनेत कडक शिस्त आणली आहे.​अभियानाच्या मुख्य वैशिष्ट्यानुसार शिवसंपर्क अभियानाचे मुख्य तत्व प्रत्येक कार्यकर्त्याला माहित असणे गरजेचे आहे: राज्यातल्या ​२२ जिल्ह्यांची जबाबदारी ‘संपर्क मंत्र्यांवर’ सोपवण्यात आले असून, मा. एकनाथ शिंदे साहेबांच्या विशेष ‘ब्ल्यूप्रिंट’नुसार राज्यातील महत्त्वाच्या २२ जिल्ह्यांमध्ये प्रमुख मंत्र्यांची नियुक्ती करण्यात आली आहे. ‘थेट जनतेच्या दारात जा’, असा सक्त आदेश मंत्र्यांना देण्यात आला आहे. ‘मिशन गल्ली ते दिल्ली’: प्रत्येक जिल्हा परिषद गट आणि पंचायत समिती गणांमध्ये पक्षाचा भगवा फडकावणे, हेच या अभियानाचे मुख्य उद्दिष्ट आहे. “जिंकण्याची क्षमता असलेल्या सक्षम उमेदवारालाच संधी मिळेल,” असे डॉ. श्रीकांत शिंदे यांनी स्पष्ट केले आहे. ​शासकीय योजनांचा पाऊस जनतेच्या दारात: शिंदे-फडणवीस-पवार सरकारच्या माध्यमातून सुरू असलेल्या लोककल्याणकारी योजना गावागावांतील प्रत्येक गरजू नागरिकांपर्यंत पोहोचवण्याचे काम शिवसैनिक या अभियानाच्या माध्यमातून करत आहेत. ​शिवसैनिकांनो, आता थांबायचे नाही, फक्त धावायचे आहे! ​”हे ‘शिव संपर्क अभियान’ केवळ एक मोहीम नाही, तर ही शिवसैनिकांच्या अस्मितेची आणि ताकदीची लढाई आहे. आगामी निवडणुकांमध्ये महायुतीत आपल्या पक्षाला सन्मानाने जागा मिळवायच्या असतील, तर आपली ग्राऊंड लेव्हलची ताकद सिद्ध करावी लागेल. मुख्य नेते एकनाथ शिंदे साहेबांचे हात बळकट करण्यासाठी आणि खासदार डॉ. श्रीकांत शिंदे यांच्या नेतृत्वावर विश्वासाची मोहर उमटवण्यासाठी प्रत्येक शिवसैनिकाने आता अहोरात्र एक केले पाहिजे. गावागावात जा, जनतेचे प्रश्न सोडवा आणि शिवसेनेचा भगवा प्रत्येक घरावर अभिमानाने फडकवा!” ​…तर सज्ज व्हा! कारण आता लढाई मैदानातली आहे आणि मैदान फक्त ‘शिवसेनेचेच’ असणार, हाच निर्धार या शिवसंपर्क अभियानातून व्यक्त होत आहे!