विलास घुले हत्याप्रकरणी आरोपींवर कडक कारवाईसाठी बीडमध्ये विराट महामोर्चा; बाळासाहेब सानप यांची पत्रकार परिषदेत घोषणा.
बीड: केज तालुक्यातील टाकळी येथील बहुचर्चित विलास घुले हत्याप्रकरणातील सर्व आरोपींना तात्काळ अटक करून कडक कारवाई करण्यात यावी, या मुख्य मागणीसठी समाज नेता तथा भाजप नेते बाळासाहेब सानप यांनी पत्रकार परिषद घेऊन २१ ऑगस्ट रोजी बीडमध्ये भव्य महामोर्चा काढण्याची घोषणा केली आहे.
पत्रकार परिषदेत बोलताना बाळासाहेब सानप यांनी पोलीस प्रशासन आणि सत्ताधाऱ्यांच्या भूमिकेवर तीव्र ताशेरे ओढले. विलास घुले यांच्या हत्येला प्रदीर्घ काळ उलटूनही पोलीस प्रशासनाकडून केवळ मोजक्याच लोकांवर कारवाई करण्यात आली असून, मुख्य सूत्रधार व राजकीय दबावाखालील आरोपींवर कारवाई करण्यास टाळाटाळ केली जात असल्याचा आरोप त्यांनी केला. पत्रकार परिषदेतील महत्त्वाचे मुद्दे: उपोषण व पीडित कुटुंबाची अवस्था: विलास घुले यांच्या कुटुंबीयांकडून न्याय मिळण्यासाठी गेल्या अनेक दिवसांपासून (सुमारे १२ दिवसांपासून) जिल्हाधिकारी कार्यालयासमोर अमरण उपोषण सुरू आहे. तरीही प्रशासनाने योग्य ती दखल न घेतल्याने कुटुंबावर गंभीर परिस्थिती ओढवली आहे. राजकीय दबाव आणि दुर्लक्षाचा आरोप: प्रकरणात पुरवणी जबाबात नाव आलेल्या सर्व संशयित आरोपींना (खासदार पुत्रासह) त्वरित अटक करण्याची मागणी त्यांनी केली.
राजकीय वजुबापोटी आणि जातीच्या राजकारणामुळे तपासात दुर्लक्ष होत असल्याचे त्यांनी स्पष्ट केले. २१ ऑगस्ट रोजी महामोर्चा: पीडित कुटुंबाला न्याय मिळवून देण्यासाठी आणि प्रशासनाला जागे करण्यासाठी २१ ऑगस्ट रोजी बीड जिल्हाधिकारी कार्यालयावर भव्य व विराट महामोर्चा काढण्यात येणार आहे. सर्वपक्षीय व समाजबांधवांना आवाहन: या महामोर्चामध्ये पक्षभेद बाजूला ठेवून सर्व समाजबांधवांनी, लोकप्रतिनिधींनी आणि नागरिकांनी मोठ्या संख्येने सहभागी व्हावे, असे आवाहन यावेळी करण्यात आले. ’पाठलाग न्यूज’ विशेष विशेष टिपण: विलास घुले यांच्या हत्येनंतर बीड जिल्ह्यातील राजकीय व सामाजिक वातावरण चांगलेच तापले आहे. बाळासाहेब सानप यांनी घेतलेल्या आक्रमक भूमिकेमुळे आणि महामोर्चाच्या घोषणेमुळे या प्रकरणाला आता मोठे वळण मिळाले असून पोलीस प्रशासन यावर काय पावले उचलणार, याकडे संपूर्ण जिल्ह्याचे लक्ष लागले आहे.
हे पोर्टल मालक, प्रकाशक शिवदास मारोती मुंडे यांनी पाठलाग कार्यालय,"शिवशक्ती " पाण्याच्या टाकी जवळ, महात्मा फुलेनगर, केज जि.बीड(महाराष्ट्र) येथून प्रकाशित केले.(पोर्टल मध्ये प्रकाशित झालेल्या बातम्या संदर्भात संपादक, मालक सहमत असतीलच असे नाही. **कुठलाही वाद-विवाद केज न्यायालयाच्या कक्षेत.
