केजच्या मा. आ. संगीता ठोंबरे यांचा शिवसेनेत जाहीर प्रवेश; वारंवार पक्षांतराचा आरोप असतानाही शिवसेनेच्या थेट ‘उपनेतेपदी’ नियुक्ती!

केजच्या मा. आ. संगीता ठोंबरे यांचा शिवसेनेत जाहीर प्रवेश; वारंवार पक्षांतराचा आरोप असतानाही शिवसेनेच्या थेट ‘उपनेतेपदी’ नियुक्ती!

​मुंबई: केज विधानसभा मतदारसंघाच्या माजी आमदार प्रा. सौ. संगीताताई ठोंबरे यांनी उपमुख्यमंत्री एकनाथ शिंदे यांच्या उपस्थितीत अधिकृतपणे ‘शिवसेना’ पक्षात प्रवेश केला आहे. विशेष म्हणजे, पक्षप्रवेश करताच त्यांच्याकडे शिवसेनेचे ‘उपनेतेपद’ सोपवून पक्षाने त्यांच्यावर मोठी जबाबदारी टाकली आहे.संगीताताईंचे भाजपमधील प्रदीर्घ अनुभव आणि संघटन कौशल्य व त्यांचे न विसरणारे पक्षीय काम पाहून प्रवेशाच्या सोहळ्यातच त्यांना उपनेतेपदाचे नियुक्ती पत्र देण्यात आले आहे. शिवसेना पक्षाचे महासचिव संजय जी मोरे साहेब यांनी तात्काळ नियुक्तीचे पत्र बहाल केले आहे. माजी आमदार संगीता ताई ठोंबरे यांच्या प्रवेशाच्या वेळी सामाजिक न्याय मंत्री संजय शिरसाट आणि शिवसेनेचे मुख्य सचिव संजय मोरे यांच्या उपस्थितीत हा सोहळा पार पडला. ​बीड जिल्ह्यातील शिवसेनेसोबत जोडल्या गेलेल्या त्या पहिल्या माजी आमदार ठरल्या आहेत. त्यांनी मागच्या विधानसभेच्या वेळी राष्ट्रवादी शरद पवार गटात शरदपवाराना भेटून प्रवेश केला होता.  अगोदर संगीता ताई ठोंबरे या उपमुख्यमंत्री अजित दादा पवार यांच्या राष्ट्रवादी पक्षात प्रवेश करण्यासाठी अनेक वेळा प्रयत्नशिल होत्या परंतु, अजितदादांच्या राष्ट्रवादी पक्षातील अनेक महिला नेत्यांकडून त्यांच्या प्रवेशाला कडाडून विरोध झाला होता, त्यामुळे सौ. ठोंबरेताई त्यावेळी नविलाजाने शांत राहील्या होत्या. सौ.​संगीताताईं सोबत केज मतदारसंघातील अनेक प्रमुख कार्यकर्त्यांनीही शिवसेनेत प्रवेश केलाअसून, ज्यात प्रामुख्याने: ​विजय बापू केंद्रे (संस्थापक अध्यक्ष, भगवान सेना) ​किशोर थोरात (माजी सरपंच) ​अशोक सक्राते, अरविंद चाळक, उमेश चाळक व इतर पदाधिकारी यांचा समावेश आहे. ​सौ. ठोंबरे या”भाजपात असताना त्यांनी तळागाळातील नागरिकांसाठी केलेले कार्य वाखणण्याजोगेच आहे. तीच ऊर्जा आता शिवसेनेच्या माध्यमातून केज विधानसभा क्षेत्रात पाहायला मिळेल,” असा विश्वास यावेळी शिवसेना पक्षाकडून व्यक्त करण्यात आला. ​याप्रसंगी जिल्हाप्रमुख सचिन मुळुक, अनिल जगताप, माजी आमदार ज्ञानराज चौगुले आणि शिवसेना नेते अजित पिंगळे यांच्यासह अनेक पदाधिकारी उपस्थित होते. सर्वांनी संगीताताईंच्या पुढील राजकीय प्रवासाला शुभेच्छा दिल्या आहेत”.