केज मतदार संघाच्या भाजपाच्या माजी आमदार संगीता ताई ठोंबरे यांनी घेतला सर्व “ताकतीनिशी” उमेदवारी अर्ज मागे! समर्थकांची विश्वासघाताची भावना सुद्धा!

केज मतदार संघाच्या भाजपाच्या माजी आमदार संगीता ताई ठोंबरे यांनी घेतला सर्व “ताकतीनिशी” उमेदवारी अर्ज मागे!

समर्थकांची विश्वासघाताची भावना सुद्धा!

केज : केज विधानसभा मतदार संघाच्या भाजपाच्या माजी आमदार संगीता ठोंबरे यांनी मतदार संघातील तमाम समर्थकांना विश्वासात घेऊन पूर्ण ताकतीनिशी भरलेला उमेदवारी अर्ज आज तितक्याच ताकतीनिशी मागे घेतल्यामुळे पुन्हा एकदा संगीता ताईंच्या स्टंटबाजी सारख्या राजकारणाचे प्रदर्शन समोर आल्याने मतदार संघात स्मशान शांतता व हिरमुस बघायला मिळाला.माजी आमदार संगीता ठोंबरे यांनी सर्व ताकतीनिशी आणि मनाचा निश्चय करून व असंख्य समर्थकांना विश्वासात घेऊन अपक्ष उमेदवारी अर्ज दाखल केला होता. मात्र अचानक पणे अर्ज मागे घेण्याच्या आजच्या शेवटच्या दिवशी संगीता ठोंबरे यांनी निवडणुकीतून माघार घेतल्याने सर्वत्र आश्चर्य व्यक्त होत आहे. परंतु माजी आमदार पृथ्वीराज साठे यांना राष्ट्रवादी पक्षाने आदेश दिला तर ,पाठिंबा आणि आपल्या विचाराचा उमेदवार निवडून यावा या दृष्टिकोनातून मी माझा उमेदवारी अर्ज मागे घेत असल्याचे स्पष्ट मत माजी आमदार संगीता ठोंबरे यांनी व्यक्त केले. दरम्यान संगीता ठोंबरे यांनी उमेदवारी अर्ज मागे घेतल्याने आता विद्यमान आमदार नमिता मुंदडा, माजी आमदार पृथ्वीराज साठे आणि महाराष्ट्र नवनिर्माण सेनेचे रमेश गालफाडे यांच्यामध्ये तिरंगी लढत होण्याची शक्यता आहे.