केज मधील गिरधारीच्या “मर्डर”ला प्राॅपर्टी वादाचा वास! नातवाने आजोबाच्या डोक्यात कोयत्याने १३ वार करून केला खून !!

केज मधील गिरधारीच्या “मर्डर”ला प्राॅपर्टी वादाचा वास! नातवाने आजोबाच्या डोक्यात कोयत्याने १३ वार करून केला खून !!

केज / प्रतिनिधी: समाजात स्वार्थ व संपत्तीमुळे नाते-गोते संपुष्टात आनलेले असतांना आणि तरूणांमध्ये अम्ली वेसनांणी घेरलेले असतांनाच अशा वेसनांधाणा तर नात्या गोत्याची कसलीच चाड राहीलेली नसून, यातुनंच केज मध्ये एका मनमिळाऊ व व्यापारी असलेल्या व्यक्तीचा त्याच्या नातवानेच धारदार शस्त्राने भरदिवसा खून केल्याची भयानक घटणा घडल्याने हळहळ व्यक्त केली जात आहे.या बाबत अधिक माहिती अशी की, केज येथे २५ वर्षीय नातवाने देवदर्शनासाठी आलेल्या त्याच्या चुलत आजोबा वर गणेश मंदिराच्या परिसरात कोयत्याने डोक्यात व मानेवर सपासप वार करून जागीच खून केला आणि स्वतः पोलिस ठाण्यात हजर झाला. दि.५ मार्च मंगळवार रोजी केज येथील कानडी रोड वर असलेल्या सिद्धी विनायक गणेश मंदिरात केज येथील गिरधारी रामकरणदास शिल्लक वय ६० वर्षे हे मंदिरात देवदर्शनासाठी गेले होते. ते सकाळी ७-३० वाजता देवदर्शन करून मंदिराच्या बाहेर येत असताना मंदिराच्या बाजूला दबा धरून बसलेला त्यांच्या पुतण्याचा २५ वर्ष वयाचा मुलगा नात्याने त्यांचा चुलत नातू रोहित रतन शिल्लक रा. कानडीरोड केज याने मंदिराच्या जवळ असलेल्या आड बाजूला ओढत नेऊन धारदार शस्त्राने डोक्यात व मानेवर सपासप वार केले. त्याने डोक्यात आणि मानेवर एकूण तेरा वार केले आहेत. यात गिरधारी रामकरणदास शिल्लक यांची डोक्याची कवटी फुटून मानेच्या शिरा तुटल्या आहेत. यात त्यांचा जागीच मृत्यू झाला. आरोपीने स्वतःपोलीस ठाण्यात हजर झाला. खुनाची माहिती मिळताच पोलीस घटनास्थळी हजर झाले. त्यांनी मृतदेह उप जिल्हा रुग्णालयात हलविला असता डाक्टरांनी त्यांना मृत घोषीत केले.या घटनेने शहरात हळहळ व्यक्त केली जात आहे.